الحقيقه الكورس قيم جداا  وواضح جدا شغلك وتعبك علية حقيقي  مش مجرد مناقشة الكتاب وبس الامثلة الى قريبه من واقعنا جميله المصادر الى بتبعتيها سواء من كورسات سابقه او مصادر تدعم الكلام  حقيقي مفيدة جدا جدا  وفيها  جمل  تلمس القلب  حقيقي انك بتهتمى اننا  نطبق على كل جزئية من الكورس انك رابطة معظم الاشياء برابط دينى 

أكتر حاجة عاجبتني انه ع منصة كله ورا بعضه ومبتوهش بين المحاضرات، ومتقسم ع فيديوهات قصيرة ومش ع بعضها عشان اقدر اعيد العنوان اللي حباه تاني، ان الكورس متاح اقدر ارجع لنقطة معينة فيه مبيتقفلش بعد كل محاضرة، اسلوبك يا اية حلو جدا والامثلة كانت مفيدة جدا، قصير ومش طويل كله ع بعضه مع انه مناقشة لكتاب بس حسيت غطيتي كله ما شاء الله 😍. 

فكره الكتاب رائعه، اختيارك للموضوع رائع، التقسيمه حلو اوي، القصص مشوقه ،ملم بكل الجوانب، حسيت كأني قرأت الكتاب فعلا، فكره التطبيق بعد كل محاضره ممتازه وبتخلي في حماس كده، الصور اللي بتختاريها للمواضيع حلوه اوي ومعبره، اخيرا ربط الدين بموضوعات الكتاب عجبني اوي 😍 

الكورس حلو و اسلوبك مميز و طريقتك الهادئة في الشرح بتطمن ، بيتكلم في نقط مهمة ، شرح  مستفيض و توضيح الأمثلة كان تفصيلي ، بيعجبني عموما في كورساتك موضوع دة مناسب ليهم مش مناسب لينا و البدائل كذا  عجبني اي نوع من الاصدقاء انت و لما دققت لقيت أنه حقيقي حتى مع ولادنا حبيت فكرة أننا ممكن ننجز و احنا مبسوطين ومش لازم نربط الانجاز بالضغط و التوتر  طول ما كنت بسمع المحاضرات كنت أهدى و أروق و حتى اللي حواليا لاحظوا دة