🍂انا بسوف لاني اثقلت على نفسي مهام كثير
🍂او قعدت فتره طويله اخذت وقت التنفيذ تعبت فسوفت
🍂انا بعمل الحاجه فوق الممتازة يا اما ما عملهاش
فقررت ما عملهاش
🌹🌹🌹🌹🌹🌹🌹🌹🌹
دلوقتي هاقول لكم على سببين من اهم الاسباب اللي بتادي للتسويف:
✏️ الاشباع اللحظي
دلوقتي بقينا في عصر السرعه ومحتاجين نشوف نتائج سريعه جدا
(خلق الانسان من عجل )
ولو ما خدناش المتعة أو الاشباع ده نمل ونحبط ونترك
زي بالضبط لما بنكون على فيسبوك بنشوف نتيجه الحاجه بسرعه احد يعمل لنا لايك وشير
ولما ده ما يحصلش بنحس ان احنا مش شايفين نتيجه شغلنا و بيخلينا نشوف نسوف وما نستمرش
✏️ تجنب الالم :
مش لازم الوجع الجسدي
ممكن نبقى مش عايزين بالملل او الارهاق او ان احنا نسيب حاجه ممتعه بالنسبه لنا
يعني مثلا الموضوع في مجهود كبير اوي انك تسيبي الفيسبوك عشان تحضري كورس
او تخلصي مهمه قبل معاد تسليمها
ده في حد ذاته الم
فبالتالي تسوفي عشان تتجنبي الالم ده 🥺
🌺🌺🌺🌺🌺🌺🌺🌺
طب نعمل ايه ؟
هقولكم 5 نقاط تساعدك تبدأي وتبعدي عن التسويف
🌦️قائمة المشتتات
حطي جنبك ورقه وقلم بسميها قائمه المشتتات
وانا قاعده بعمل اي حاجه
بكتب اي حاجه تيجي في بالي بتخليني عايزه اقوم اعملها دلوقت حالا و اسيب اللي في يدي
وبكده بطمن نفسي وعقلي ان الحاجه دي مش هتروح
وهاقوم اشوفها بعد ما اخلص و هتبقي مكافاتي
🌦️ حددي ادوارك
اكتبي كل الأدوار اللي بتلعبيها في الحياة
ام . بنت . ابنة .طالبة علم . موظفة . مديرة منزل ....
وكل دور ايه مهامه
المدة اللي بتاخديها في عمل المهمة
الوقت اللي بتاخديه
مهمة اسبوعيه يوميه شهريه
جاوبي على كل الاسئله دي احيانا بنسويف لاننا مش عارفين نعمل ايه ومن كثر المهام اللي عندنا بنحس ان احنا تايهين فلا والموضوع كان منظم شويه ده هيساعدك انك تعملي كل حاجه في وقتها وتقلل التسويف
🌦️ بلاش المقارنه
من اكثر الحاجات اللي بتخلينا نسوف
مقارنتنا بالناس اللي حوالينا واحساسنا اننا عمرنا
ما هنوصل لهم
وتلاقي نفسك بتاخدي من كل بستان وردة ومش عارفة انتي رايحة وجاية منين ؟
وبننسى تماما ان احيانا بنقارن نفسنا في موسم زراعتنا ب موسم حصاد الاخرين
وده غير عادل للاتنين 😥
🌦️pomodoro technique
ده نظام لطيف جدا تقدري تضحكي به على عقلك
كل 25 دقيقة تعملي مهمة من قائمتك وتاخدي 5 دقايق راحة
اعملي ده 4 مرات في اليوم في أوقات متفرقة
وممكن تبقي 45 دقيقة و15 دقيقة راحة
الراحة إجبارية لاننا لما بنرفض فكرة الراحة والإجازة عقلنا بيقرر يعاقبنا وبنتشتت 😥
واحيانا لما بنقرر نذاكر لازم ناخد ساعتين تلاتة مع بعض
وده مش بيحصل للاسف وبنسوف لاننا بنستتقل الموضوع
لما نقسمها كده إحساسنا بيكون افضل والوقت بيمر اسرع وفي إنجاز اكتر
لولا المشقة ما كانت المتعة 🌹🌹
-----------------------------
🌿دلوقتي جه دورك انتي هتقولي لنا النقطة الخامسة
حاجة واحدة عملتيها مش لازم تبقي مكتوبة هنا فرقت معاكي في وقف التسويف ؟؟