في البيت :
🏠بدأت اطبخ يوم كل أسبوع
(عملت فيديو ممكن تشوفيه لو حابة وفي فيديو تاني استضافت رشا حكتلنا إزاي بتطبخ مرة في الشهر )
🏠عملت قائمة بأكل الاسبوع عشان اشتري مرة واحدة
🏠علقت ع التلاجة sticky note وقلم وبكتب أي حاجة ناقصاني
🏠شغل البيت له وقت محدد يعني مثلا الغسيل بجمعه في يوم أو يومين ف الاسبوع
🏠ما بنامش إلا لما نغسل كل المواعين
🌹🌹🌹🌹🌹🌹🌹🌹
أنا وشغلي:
👧حطيت ٣ أهداف بس للسنة كل هدف يتحقق في ٤ شهور
أنا قصدت أطول المدة عشان لو خلصت قبلها افرح
👧قررت اقلل الكورسات اللي باخدها ٣ كورسات كبيرة بس ف السنة
والباقي ممكن يكون مكمل للكورسات الكبيرة أو كتب توضح الفكرة اكتر واحيانا ٣ كورسات ممكن يكونوا مكملين لبعض
👧عندي يومين اجازة إجبارى في الاسبوع وبشتغل ٥ أيام بس
👧كل يوم ١٠ دقايق لنفسي
👧حددت ساعات الشغل ف اليوم وكأني موظفة لازم أخلص ف المعاد ده
👧اختبرت انتاجيتي وظبطت مهامي عليها
يعني بشوف أنا منتجة الصبح ولا بليل
👧استغليت الاوقات البينية (اللي بنسميها الضايعة) اللي بتكون وقت التمرين للولاد أو مواصلات فبظبط مهامي بحيث أحط في الوقت ده مهمة من مهام يومي اللي كتبتها قبلها بيوم
قوليلي إيه اكتر نقطة عاجبتك وقررتي تنفذيها 😉؟