الفيديو قصير وجميل وفيه الخلاصة مش بحس اني تايهه 💕
لو فعلا الفيديوهات تبقي بعد كده ورا بعض او في مكان واحد بوست مثلا عشان متوهش يكون حلو اوي

الفيديوهات اللهم بارك منظمة جدا مغطية كل الهدف. الكورس التطبيق سهل المعلومة بتوصل ببساطة
اللوان جميلة طريقتك هادئة وشيقة
الأمثلة اللي بتشاركينا بيها والأفكار رائعة
ربنا يبارك لك يا آية حبيبتي

الشرح جميل وبسيط 
البوربوينت ممتع ومرجع حقيقي يفكرنا بكل اللي خدناه
بشكل عام ردك على كل كومنت بكتبه محسسني ان في حد معايا وبياخد بايدي وده مريحني جدا وبيشجعني اني اخد خطوات اطبقها على صفحتي 
الأمثلة الواقعية بتقرب المفاهيم جدا 
شكرا على كل حاجة

انا مبسوطه جدا رجعت اشتغل تاني الحمد لله▪️
شكراً آيه وضحتيلنا نقاط مهمه كتير زي اجدد النيه واسعي مركزش مع النتيجه ودا شئ جميل.
اما حددت ايه هي اهدافي وضحت الرؤيه ودا دافع للانجاز.
حبيت الامانه اللي اتحطت علي عاتقي مبقتش حاسه بتقل 🥰🥰🥰🥰 شكرا ياآيه
انا اتمني نتعلم معاكي عن التصوير وطريقه تقديم الفيديوهات بجوده أفضل انا بعتبرك قدوة ومثل أعلى يحتذي بيه💖💖

انا شوفت اول فيديو . حبيت كل حاجه في الفيديو 
١) التصميمات اللي مستخدماها في الشرح تحفه ورقيقه والالوان مريحه اللهم بارك
٢) عجبني التقسميات وان الفيديو متقسم 
٣) واقعية الكلام حسيت إن الكلام واقعي وقابل للتطبيق وانك كنتي بتستعيني بأمثله تطبيقيه من صفحتك وفيديوهات سابقه 
٤) طاقتك اثناء الكلام كانت مشجعه وإيجابية 
٥) انك اتكلمتي إن في جزئيه عرفتيها من كنز ودى من الامانه العلميه 
شكرا علي كل كلمه وعلي كل حاجه بتعمليها

عجبني أوي صيغة التعريف اللي قدرنا منها نكتب بوست عننا
     عجبني كمان الأسئلة اللي حقيقي خرجت حاجات كتير من جوايا لو كنت قعدت افكر فيها لوحدي من غير الأسئلة ما كنتش هعرف اطلعها .  فكرة أن الڤيديو قصير منجزة بصراحة مش ببقى شايلة هم اسمعه ازاي .  فكرة أن القيم بتساعدنا أننا نكمل في الطريق برده فكرة حلوة اوي.  فكرة القصص برده و أنها تكون بطرق مختلفة حلوة اوي و بتفتح كذا فكرة
 انك بتورينا حاجات من عندك عشان تقربيلنا الفكرة ده بيخلينا نستوعب اكتر.  التطبيقات بتخلينا نمشي خطوات حقيقية في الشغل بتاعي