عارفين ايه اكثر كلمه فوقتني من المثاليه
مرة سمعت جمله أن
الانسان المثالي هو انسان مركزي يفعل كل شيء بنفسه ولا يثق في الاخرين 🥺
🌹🌹🌹🌹🌹🌹🌹🌹
✏️الانسان المثالي بيكون عنده توقعات كبيره من نفسه واحيانا بما لا يتناسب مع امكانياته او ظروفه الحاليه
فتبقي ام لسه والدة وعندها طفل تاني وعايزه تخلص الكورس وتنضيف البيت بتاعها وتحضير الاكل والغسيل و..و.... من غير ما تراعي طاقتها ف الوقت ده
🌿🌿🌿🌿🌿🌿
✏️الانسان المثالي عنده توقعات كبيرة من اللي حواليه لانه بيبذل مجهود خرافي وبينتظر من اللي حواليه يعملوا كمان ده معاه
🌿🌿🌿🌿🌿🌿
🌟والحقيقه في فرق كبير بين المثاليه والاحسان
المثاليه انك تفضلي تدي نفسك اعذار بحجه انك لسه مش جاهزه لدرجة أنه يعطلك عن مشوار بداتيه
اما الاحسان فهو انك تبداي في الحاجه وتحاولي تعمليها على اكمل وجه
وبعد ما تبدائي كل ما تشوفي جزء ناقص تكمليه او من غير ما تشوفي ناقص دائما بتتطوريه
الشخص المثالي
- لازم يتعب نفسه في كل حاجه بيعملها عشان يحس ان هو عمل احسن حاجه والحقيقه ان احساس الرضا عمره ما بيجي له
- عنده الكل او لا شيء
يبدا الكورس بكل حاجه يا اما بلاش خالص
- بياخذ وقت طويل جدا جدا في التخطيط ويزنق نفسه وقت التنفيذ لانه بيكون قرب ميعاد التسليم
- بيبدأ في رحله جلد الذات عشان ما عملش الحاجه كما يجب وتاخر لاخر وقت
- بيكره التفويض وبيشوف ان هو لازم يعمل كل حاجه بنفسه والا مش هتطلع حلوه
- دايما باصص للجزء الناقص اللي ما عملوش مش الجزء اللي عمله
🌹🌹🌹🌹🌹🌹🌹
عشان كده هاقول لكم نصيحتين
تقدري تخلصي من المثاليه بيهم😉
🍃 ابدأي وصلحي:
شعاري في الحياة
التعلم بيجي بالممارسه مش بالتخطيط
انك تفضلي تخطط الكورس عايزه تعمليه لمده اربع شهور او اكثر مش ده اللي هيخليك تتقنيه
اللي هيخليك تتقنيه بجد انك تجربى وتبدأى فيه وساعتها الاحسان فيه هيكون اسهل بكثير لانك بتصلحي من حاجه موجودة
اعرف واحده فضلت تخطط كثير قوي عشان شغلها يطلع احسن ما يمكن لغايه ما جه حد ثاني عمل الفكره قبلها ف احبطت وقررت انها ما تعملهاش
واعرف واحده فضلت سنة ما تحفظش قرآن عشان قررت انها مش هتسبق صحابها اللي بيحفظوا آية في اليوم
وده خلاها تحبط وما تكملش لأنها قررت تحفظ جزء في الاسبوع رغم مسئوليتها الكتير
🍂🍂🍂🍂🍂🍂🍂🍂
🍃 مش لازم المهمة تكون مثاليه المهم تكون نافعه
احيانا المثالية دي وجهة نظرك انت بس
اما الناس ما بتشوفش كل العيوب دي المشكله ان انت بتبصي على الحاجه الناقصه لكن ما بتبصيش على الصورة الكامله
احيانا المثاليه بتخليك تتاكدي حاجات كثير حلوه عايز تعمليها و تحرمي الناس اللي حواليكي من النفع اللي هتعود عليهم
والحقيقه ما حدش شايف الناقص ده غيرك انت والناس بتبص على الحاجه النافعه ومش شايفه الناقص فى الحاجه اللى بتقدميها
(ليس من الحكمه اتقانك لكل عمل)
في حاجات اصلا ما بتستدعيش الاتقان ده
يعني غسيل المواعين مهم بس ما تستدعيش انك تقعدي ساعتين ونصف او ثلاث ساعات عشان تخلصيها
في مقام بتقبل بجوده اقل سددوا وقاربوا وابشروا 💚
🌄🌄🌄🌄🌄🌄🌄🌄🌄
يا تري ايه اكتر جملة لمستك في البوست ؟