الساعة ٦ صباحا
متأخر شوية بس تمام
صليت وصحيت الولاد وفطرنا
خلصنا الساعة ٧:٥٥ صباحا
كان عندهم كورس الساعة ٨
وأنا بدأت احضر نفسي
عشان كان عندي كورس وكانت أول محاضرة
بدأت المحاضرة ٩ وخلصت ١٢ ونص
في النص روحت كلمت مدرسة الولاد 😊
أخدت بريك لغاية ما المحاضرة اتحملت اللي لسه مخلصاها
صليت وحطيت دورة غسيل في الغسالة
وبدأت الساعة ١:١٥ أعمل الغدا
وهو بيستوى لمت الغسيل وطبقته
نشرت الغسيل الجديد
الاكل استوى
الساعة ٢:٣٠ بدأنا الغدا
وبدأنا استعدادات أنا والولاد للنزول
وغسلت المواعين ونضفت البوتاجاز
والساعة ٣:٣٠ حضرت اكل للولاد وليا عشان نازلين كورس طويل حبتين 😁
الساعة ٤ نزلنا
الولاد بدأوا ٤:٣٠
وأنا بدأت اسمع كورس في نفس الوقت
وصليت المغرب والعشا
وأكلت
وخلصت مكالمتين
وعملت شوية شغل
وقعدت ع الفيس بوك
وتابعت جروب الدعم
وكتبلكم البوست في طريق العودة للبيت 💪😊✌️
الفكره إن كلنا يومنا ٢٤ ساعة
بس الفرق بين كل حد فينا
هو اختياره هيقضيهم إزاى 🤔
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
حسيتي بالإحباط وأني فظيعة وما فيش مني اتنين
طيب تعالي نرجع يومين لورا أنا فضلت يومين بس ف السرير
أقوم أصلي واكل أي حاجة من التلاجة و انام تاني
او أتفرج ع أي حاجة غير هادفة آه والله زى ما بقولك كده 😁
احنا اتغدينا شكشوكة وجبنة وعيش
وما حستش بأي ذنب وكلنا واتبسطنا جدا جدا
عارفة ليه قدرت ابقي منتجة النهارده
لإني تقبلتني زى ما أنا بتعبي وكسلي وكل مشاعري السلبية قبل الايجابية
ولو ما كنتش عملت ده ما كنتش هقدر أوصل للنهارده بأي شكل من الاشكال
#السر_في_التقبل_والتخطيط
💦💦💦💦💦💦💦💦💦💦💦💦💦💦💦💦