1• أعملي قائمه مهام يومية أو to do list قبل ما تنامي أو أول ما تصحي على طول كل يوم📋 .

 2 • اصحى بدري قبل الساعه خمسه 🌄 الحقي صلي الفجر وأبدئي يومك ، عارفه الموضوع صعب بس بشويه إرادة منك💪 وتحدي نفسك إن شاء الله تقدري توصلي .

3 • استخدمي habit tracker  قد ايه دا مهم جدا عشان تبني  عادة جديدة في حياتك وأنك كل يوم تكوني عارفة انك هتعملي العادة دي وتعلمي عليها ✅.

 4 • ما تمسكيش الموبايل فوراً أول ما تصحي 📵 وخليه مكافأة ليكي أول ما تخلصي الحاجات اللي وراكي 😃 . 

5 • أول ما تصحي وضبي سريرك و جهزي أوضتك وجهزي المكان💺اللي هتقعدي فيه عشان يكون منظم و تقدري تبدئي يومك بفعالية  اكثر🧑‍💻.

6 • خلي عندك planner عشان تقدري تخطتي وده هيساعدك إن انت تركزي اكثر في التخطيط الأيام اللي جايه وتكوني منظمه اكثر 📑

7 • خلي جنبك ورقه وقلم واكتبي كل حاجه بتشتتك 📝عشان تقدري تركزي في اللي بتعمليه دلوقتي اكثر .

8 • اعملي حركه بسيطه أول ما تصحي اتمشي شويه🏃‍♀️لو مقدرتيش تنزلي ممكن تعملي رياضه بسيطه خفيفه 🧘🏻‍♀️
   "مش بيقولوا فرحانه بركه😉" وممكن تستخدمي فيديوهات walk at home

 9 • استعيني ب Declutter أو تنظيم الفوضي الإلكترونيه ، طول ماموبايلك عليه حاجات كثير و الإيميل بتاعك مليان برسايل هتفضلي بالك مشغول🤯 ودايماً عايزه تشوفي ايه الحاجات اللي انت ما شفتيهاش عشان كده محتاجه دايماً إن انت تفضي الرسايل دي وتنظفي تليفونك ورسايلك أول بأول 👌.

 10• حددي أولويات يومك
 مهم أوي إنك تحددي أكثر 3️⃣ حاجات ضرورية محتاجة تعمليها النهارده علشان لو ما عملتيش غيرهم تحسي بالإنجاز 😃 .

11 • تخلصي من الفوضى 
مهم أوي إنك ما تسبيش فوضي😱  تتراكم عليكي خصوصاً لو كنت من الناس اللي عندهم نشاط أكبر قبل الضهر فبمجرد ما يجي الضهر على طول هتحسي إن انت طاقتك أقل 😢و مش قادره تنظفي الفوضي اللي عملتيها قبل كده عشان كده شيلي حاجتك اول بأول .

 12 • خطة الوجبات 🍣
خلي عندك يوم في الأسبوع تخططي فيه للأسبوع كله للوجبات كلها دا هيسهل عليكي كثير جداً وهيخليكي منظمة أكتر و هيقلل الضغط عليكي بشكل كبير 🥴 .

13 • مهم أوي إنك تخلي بالك متزوديش على نفسك الأهداف اليوميه🗒️ عشان تقدري تحققيها كفاية تبدئي بثلاث أهداف بس أو خمسة مش أكتر من كده علشان تقدري تحققي اليوم بشكل واقعي 💯 .

 يا ترى انت هتحققي انهي من دول 😉😉 ؟

👑 اكتبي نقطه او اثنين~ هتبدئي بهم يومك من بكره إن شاء الله 👑؟